Ministrler Kabinetiniń 2022-jıl 16-fevraldaǵı 73-sanlı qararına muwapıq 2022-jıl mart ayınan baslap shet tilin biliw dárejesin anıqlaw test sınaqları inglis tilinen kóp dárejeli sistemada ótkerilip baslandı.

Usı qararda basqıshpa-basqısh basqa tillerden de kóp dárejeli sistemanı engiziw belgilengen bolıp, Mámleketlik test orayınıń qánegeleri tárepinen nemis tilin biliw dárejesin anıqlawdıń kóp dárejeli sisteması islep shıǵıldı.

Bul sistema 2022-jıl 15-noyabr kúni Ózbekstan mámleketlik jáhán tilleri universitetinde aprobaciyadan ótkerildi. Bunda aprobaciyadan aldın onda qatnasıwshılarǵa aprobaciya test sınaqların ótkeriwdiń tiykarǵı maqseti túsindirildi hám kóp dárejeli test sisteması formatı boyınsha tolıq máǵlıwmat berildi.

Aprobaciyada qatnasqan oqıwshılardıń nátiyjeleri esaplanıp, tiyisli talqılawlar ámelge asırıladı hám olardıń tiykarında test tapsırmalarınıń juwmaqlawshı variantları tayarlanadı.