2023-yil 7-aprel (bugun) kuni 15:00 da Bilimni baholash agentligining telegramdagi rasmiy kanali (@BaholashUz) da navbatdagi ovozli chat o‘tkaziladi.

Ovozli chat “Xorijiy davlatlarda ta’lim olganlik to‘g‘risidagi hujjatlarni tan olish (nostrifikatsiya) va ta’lim to‘g‘risidagi hujjatlarga apostil qo‘yish” mavzusida bo‘lib o‘tadi.

Unda Bilimni baholash agentligining tegishli bo‘linma boshliqlari hamda mutaxassislari ishtirok etadi va savollarga jonli efirda javob beriladi.

Ovozli chat davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.