Puqaralardan kelip túsken múrájat hám usınıslardan kelip shıqqan halda shet tilin biliw dárejesin bahalaw test sınaqları noyabr hám dekabr aylarında da ótkeriliwi belgilendi.

Bunda test sınaqları noyabr ayında inglis, nemis hám francuz tillerinen, dekabr ayında bolsa inglis, nemis, francuz hám arab tillerinen B1, B2 hám C1 tildi biliw dárejeleri boyınsha ótkeriledi.

Test sınaǵında qatnasıwdı qálewshi talabanlar my.dtm.uz saytı arqalı onlayn dizimnen ótip, tólemdi ámelge asırıwları múmkin.

Bunda talabanlar noyabr ayı ushın 8-noyabrge shekem (barmaq izin tapsırıw 8-10-noyabr kúnleri), dekabr ayı ushın bolsa 28-noyabrge shekem (barmaq izin tapsırıw 29 -30 -noyabr kúnleri) dizimge alınadı.

Dizimnen ótiw waqtında talabanlar imtixan tapsırıw aymaǵı retinde Qaraqalpaqstan Respublikası, wálayatlar hám Tashkent qalasınan birin tańlap, ózleri tańlaǵan aymaqta test sınaqlarında qatnasıwları múmkin.

Test nátiyjelerine bola B2 yamasa odan joqarı dárejedegi sertifikatqa iye abituriyentlerge joqarı oqıw orınlarına kiriwde shet tili páninen imtixanlarsız belgilengen maksimal ball beriledi.

Sonıń menen birge, oqıw orınlarınıń C1 dárejedegi sertifikatqa iye bolǵan shet tiller oqıtıwshılarına olardıń bazalıq tarif stavkasına salıstırǵanda hár aylıq 50 procent muǵdarında qosımsha ústeme haqi tólenedi.