Házirgi kúnde puqaralar tárepinen Mámleketlik test orayına oqıwdı kóshiriw hám qayta tiklew, magistraturaǵa hújjetlerdi qabıllaw hám kiriw imtixanların ótkeriw hám de ekinshi bilimlendiriwge qabıllaw boyınsha kóplegen sorawlar kelip túspekte.

Prezident qararına muwapıq, mámleketlik joqarı bilimlendiriw mekemeleriniń magistratura qánigeliklerine oqıwǵa kiriw, sonday-aq, bakalavriat bilimlendiriw baǵdarlarına oqıwdı kóshiriw hám qayta tiklew ushın hújjetlerdi tapsırıw procesi Joqarı hám orta arnawlı bilimlendiriw ministrliginiń rásmiy veb-saytı (www.edu.uz) arqalı ámelge asırıladı.

Oqıwdı kóshiriw hám qayta tiklew boyınsha hújjetler 2020-jıl 15-iyulden 5-avgustqa shekem transfer.edu.uz saytı arqalı, magistraturaǵa hújjetler bolsa 2020-jıl 1-iyulden 30-iyulge shekem magistr.edu.uz saytı arqalı qabıllanadı.

Magistraturaǵa qabıllaw Joqarı hám orta arnawlı bilimlendiriw ministrligi tárepinen koronavirus pandemiyası sharayatınan kelip shıǵıp, onlayn test ótkeriw arqalı Ózbekstan Respublikası Prezidenti qararı menen belgilengen mámleketlik grantı hám tólew-kontrakt tiykarında qabıllaw parametrlerine muwapıq ámelge asırıladı.

Oqıwdı kóshiriw hám qayta tiklew, magistraturaǵa hújjetlerdi qabıllaw hám kiriw imtixanların ótkeriw hám de ekinshi bilimlendiriwge qabıllaw Mámleketlik test orayı wákilligine kirmeytuǵınlıǵın málim etemiz. 

Eger sizde bul máseleler boyınsha sorawlar bolsa, Joqarı hám orta arnawlı bilimlendiriw ministrligine múrájat etiwińiz maqsetke muwapıq boladı.

Mámleketlik test orayı xabar xızmeti