Ma’lumki, Davlat test markazi huzuridagi Ilmiy-o‘quv amaliy markazi tomonidan har oy “O‘qituvchilar uchun Aptis” test sinovi o‘tkazib kelinmoqda.

Talabgorlarning murojaatlariga asosan mazkur test sinovi aprel oyida Buxoro va Toshkent shaharlarida tashkil etilmoqda.

Bunda test sinovi Buxoro shahrida 20-aprel kuni, Toshkent shahrida esa 22-aprel kuni bo‘lib o‘tadi.

Test sinovida ishtirok etish istagini bildirgan talabgorlar 18-aprelga qadar (18-aprel kuni ham) my.dtm.uz sayti orqali onlayn ro‘yxatdan o‘tib, to‘lovni amalga oshirishlari mumkin.

Test sinovida ishtirok etib, test natijalariga ko‘ra CEFR shkalasi bo‘yicha “C” darajasini qo‘lga kiritgan o‘qituvchilarga asosiy ish haqining 15% yoki 30% miqdorida ustama beriladi.

Murojaat uchun telefon: (95) 515-68-68.

Davlat test markazi matbuot xizmati