“O‘qituvchilar uchun Aptis” test sinoviga o‘qituvchilarni onlayn ro‘yxatga olish 2020-yil 17-noyabrdan 4-dekabrga qadar davom etishi, test sinovi esa 7-dekabrda o‘tkazilishi rejalashtirilgan edi.

Fuqarolarning murojaatlariga asosan, “O‘qituvchilar uchun Aptis” test sinovi uchun onlayn ro‘yxatdan o‘tish 10-dekabrga qadar uzaytirildi. Test sinovlari esa 15-dekabrda o‘tkazilishi belgilandi.

Ma’lumot uchun: “O‘qituvchilar uchun Aptis” Davlat test markazi tomonidan Britaniya Kengashi bilan hamkorlikda o‘tkaziladigan malaka test sinovi hisoblanib, natijalari CEFR shkalasi bo‘yicha “C” darajasiga to‘g‘ri keladigan, “O‘qituvchilar uchun Aptis” testidan o‘tgan o‘qituvchilarga ma’lumotnoma beriladi.

Ushbu ma’lumotnomaga ega o‘qituvchilarga asosiy ish haqining 15% yoki 30% miqdorida ustama beriladi.

Davlat test markazi matbuot xizmati