“O‘qituvchilar uchun Aptis” test sinoviga o‘qituvchilarni onlayn ro‘yxatga olish 16-martga qadar davom etishi, test sinovi esa 18-mart kuni o‘tkazilishi rejalashtirilgan edi.
Fuqarolarning murojaatlariga asosan, “O‘qituvchilar uchun Aptis” test sinovi uchun onlayn ro‘yxatdan o‘tish 18-martga qadar uzaytirildi. Test sinovlarini esa 23-mart kuni o‘tkazish belgilandi.
Ma’lumot uchun: “O‘qituvchilar uchun Aptis” Davlat test markazi tomonidan Britaniya Kengashi bilan hamkorlikda o‘tkaziladigan malaka test sinovi hisoblanib, natijalari CEFR shkalasi bo‘yicha “C” darajasiga to‘g‘ri keladigan, “O‘qituvchilar uchun Aptis” testidan o‘tgan o‘qituvchilarga ma’lumotnoma beriladi.
Ushbu ma’lumotnomaga ega o‘qituvchilarga asosiy ish haqining 15% yoki 30% miqdorida ustama beriladi.
Murojaat uchun telefon: (95) 515-68-68.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat