Davlat test markazi tomonidan 2022-yil 24–28-mart kunlari oliy ta’lim muassasalarining bakalavriat ta’lim yo‘nalishlariga o‘qishga kirish test sinovlarini sifatli va adolatli tashkil etish, shaffof va xolis o‘tkazish maqsadida jarayonga guruh nazoratchisi sifatida jalb etilgan nomzodlar uchun tashkil etilgan o‘quv-seminar mashg‘ulotlarining 1-bosqichi bo‘lib o‘tdi.

Qoraqalpog‘iston Respublikasi, viloyatlar va Toshkent shahrida o‘tkazilgan o‘quv-seminar mashg‘ulotlarida oliy ta’lim muassasalari tomonidan tavsiya etilgan professor-o‘qituvchilar hamda professional ta’lim va xalq ta’limi tizimidagi ta’lim muasssasalarida faoliyat olib borayotgan rahbar va pedagog xodimlar ishtirok etdilar.

O‘quv-seminar mashg‘ulotlarida ishtirok etgan guruh nazoratchiligiga nomzodlar soni 5,5 ming nafardan ortiqni tashkil etdi.

Mashg‘ulotlar Davlat test markazi mutaxassislari tomonidan ishlab chiqilgan o‘quv dasturi asosida olib borildi.

O‘quv seminar mashg‘ulotlarining 2-bosqichini joriy yilning aprel oyida o‘tkazish rejalashtirilgan.

Davlat test markazi matbuot xizmati