Mámleketlik test orayı tárepinen 2022-jıl 24–28-mart kúnleri joqarı oqıw orınlarınıń bakalavriat tálim baǵdarlarına oqıwǵa kiriw test sınaqların sapalı hám ádalatlı shólkemlestiriw, ashıq-aydın ótkeriw maqsetinde processke topar qadaǵalawshısı retinde alınǵan talabanlar ushın shólkemlestirilgen oqıw-seminar shınıǵıwlarınıń 1-basqıshı bolıp ótti.

Qaraqalpaqstan Respublikası, wálayatlar hám Tashkent qalasında ótkerilgen oqıw-seminar shınıǵıwlarında joqarı oqıw orınları tárepinen usınıs etilgen professor-oqıtıwshılar hám de professional bilimlendiriw hám xalıq bilimlendiriw sistemasındaǵı oqıw orınlarında jumıs islep atırǵan basshı hám pedagog xızmetkerler qatnastı.

Oqıw-seminar shınıǵıwlarında qatnasqan topar qadaǵalawshılıǵına talabanlardıń sanı 5,5 mıńnan aslamdı quradı.

Shınıǵıwlar Mámleketlik test orayınıń qánigeleri tárepinen islep shıǵılǵan oqıw baǵdarlaması tiykarında alıp barıldı.

Oqıw seminar shınıǵıwlarınıń 2-basqıshın usı jıldıń aprel ayında ótkeriw rejelestirilgen.

Mámleketlik test orayınıń málimleme xızmeti