Vazirlar Mahkamasining 2019 yil 24 iyundagi 07/1-2010-son topshirig‘i ijrosini ta'minlash maqsadida 13 iyulda O‘zbekiston Respublikasi musulmonlar idorasi tasarrufidagi o‘rta maxsus islom ta'limi muassasalariga qabul uchun saralash test sinovlari bo‘lib o‘tdi. 

Test sinovlari 2 smenada, videokuzatuv vositalari bilan jihozlangan katta sig‘imli binolarda o‘tkazildi. 

Test sinovlarida ishtirok etishi belgilangan 5167 nafar nomzoddan 5059 nafari ishtirok etdi, 108 nafari qatnashmadi, test topshirish tartib-qoidalarini buzganligi sababli, 4 nafar nomzod test sinovlaridan chetlatildi. 

Test materiallari barcha hududlardan o‘z vaqtida Davlat test markaziga yetkazib kelindi.

Ayni paytda yopiq va maxfiy rejimda natijalarni hisoblash ishlari olib borilmoqda. 

Axborot xizmati