2022-yil 19-oktabr kuni Davlat test markazida O‘zbek tili bayrami kuniga bag‘ishlab, “Qadring baland bo‘lsin, ona tilim”, deb nomlangan ma’naviy-ma’rifiy tadbir bo‘lib o‘tdi.

Unda O‘zbek tili, adabiyoti va folklori instituti katta ilmiy xodimlari Feruza Karimova va Zohida Muqimova hamda Toshkent davlat o‘zbek tili va adabiyoti universiteti o‘qituvchisi Dilfuza To‘xliyevalar mehmon sifatida ishtirok etdilar.

Tadbirni Davlat test markazi direktorining maʼnaviy-maʼrifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini taʼminlash masalalari bo‘yicha maslahatchisi Zohid Shakarov ochib berdi.

So‘ngra Feruza Karimova va Zohida Muqimova tomonidan O‘zbek tili, adabiyoti va folklori instituti faoliyati hamda instituti tomonidan amalga oshirilayotgan ishlar to‘g‘risida ma’lumot berildi.

Shuningdek, Dilfuza To‘xliyeva tomonidan o‘zbek tilining rivoji yo‘lida amalga oshirilayotgan ishlar, erishilgan yutuqlar hamda mavjud muammolar haqida o‘z fikrlarini bildirishdi.

Tadbir barcha ishtirokchilar uchun ajoyib va iliq muhitda, o‘zaro fikr almashish va savol-javoblarga boy tarzda bo‘lib o‘tdi.

Davlat test markazi matbuot xizmati