2023-yil 29-oktabr kuni o‘zbek tili va adabiyot fanidan milliy sertifikat imtihoni o‘tkazilib, 21-noyabr kuni imtihon natijalari e’lon qilingan edi.

Natijalar e’lon qilingandan so‘ng, besh ish kuni davomida natijasidan norozi bo‘lgan talabgorlarning apellatsiya arizalari qabul qilindi.

Arizalar Apellatsiya komissiyasi tomonidan ko‘rib chiqilib, Apellatsiya komissiyasining qarori 4-dekabr kuni talabgorning shaxsiy kabinetiga joylashtirildi.

Apellatsiya arizasi bergan talabgorlar my.uzbmb.uz saytining “Milliy sertifikat” bo‘limidan Apellatsiya komissiyasining qarori bilan tanishishi mumkin.