O‘zbekiston Respublikasi Vazirlar Mahkamasi huzuridagi Davlat test markazi tomonidan Ona tili va adabiyot fanidan bilimni baholashning milliy test tizimini yaratish bo‘yicha tayyorgarlik ishlari amalga oshirilmoqda. Shu munosabat bilan 2020-yil 21-fevral kuni Davlat test markazining binosida O‘zbek tili va adabiyot fanidan aprobatsiya test sinovi o‘tkazilishi rejalashtirildi. Test sinoviga Toshkent shahri va Toshkent viloyatidagi ta’lim muassasalari bitiruvchilari ishtirok etishlari mumkin.

Ro‘yxatga olish 20-fevral soat 12:00 gacha davom etadi.

Aprobatsiya jarayonida ishtirok etish istagida bo‘lgan talabgorlar  https://5fan.dtm.uz/ sayti orqali ro‘yxatdan o‘tib, aprobatsiyada ishtirok etishlari mumkin.

Jarayonda ishtirok etuvchilar soni cheklangan bo‘lib, jami 300 ta ariza qabul qilinadi.

Ro‘yxatdan o‘tganda talabgorlarga aprobatsiyada ishtirok etish vaqti yozilgan ruxsatnoma taqdim etiladi.

Talabgorlar mazkur ruxsatnoma va shaxsini tasdiqlovchi hujjat bilan belgilangan vaqtdan 30 daqiqa oldin (08:30 gacha) Davlat test markazi bosh binosi (Toshkent shahri, Yunusobod tumani, Bog‘ishamol ko‘chasi, 12-uy)ga kelishlari lozim.

Test sinovi 09:00 da boshlanib, 12:30 da tugaydi.

Ro‘yxatdan o‘tish va aprobatsiya jarayonida ishtirok etish bepul.

Davlat test markazi matbuot xizmati