Ózbekstan Respublikası Ministrler Kabineti janındaǵı Mámleketlik test orayı tárepinen Ana tili hám ádebiyat páninen bilimdi bahalawdıń milliy test sistemasın jaratıw boyınsha tayarlıq jumısları ámelge asırılmaqta. Usı múnásibet penen 2020-jıl 21-fevral kúni Mámleketlik test orayınıń binasında Ózbek tili hám ádebiyat páninen aprobaciya test sınawı ótkeriliwi jobalastırıldı. Test sınawına Tashkent qalası hám Tashkent wálayatındaǵı bilimlendiriw mekemeleri pitkeriwshileri qatnasıwına boladı.  

Dizimge alıw 20-fevral saat 12:00 ge shekem dawam etedi.

Aprobaciya procesinde qatnasıwdı qálewshi talabanlar https://5fan.dtm.uz/ saytı arqalı dizimnen ótip, aprobaciyada qatnasıwına boladı.

Proceste qatnasıwshılar sanı sheklengen bolıp, jámi 300 arza qabıllanadı.

Dizimnen ótkende talabanlarǵa aprobaciyada qatnasıw waqtı jazılǵan ruqsatnama usınıladı.

Talabanlar bul ruqsatnama hám shaxstı tastıyıqlawshı hújjet penen belgilengen waqıttan 30 minut aldın (08:30 ǵa shekem) Mámleketlik test orayı bas binası (Tashkent qalası, Yunusabad rayonı, Boǵishamol kóshesi, 12-úy)ge keliwi kerek.

Test sınawı 09:00 da baslanıp, 12:30 da tamalanadı.

Dizimnen ótiw hám aprobaciyada qatnasıw biypul.

Mámleketlik test orayı xabar xızmeti