Davlat test markazi tomonidan ona tili (o‘zbek, rus va qoraqalpoq) va adabiyot fanidan bilimni baholashning milliy test tizimini yaratish bo‘yicha tayyorgarlik ishlari amalga oshirilmoqda.

Shu munosabat bilan, 2020-yil 19-fevral kuni o‘zbek tili va adabiyoti fanidan milliy test tizimi uchun ishlab chiqilgan topshiriqlarning aprobatsiyasi o‘tkazildi.

Aprobatsiyaga Toshkent davlat pedagogika universiteti va Toshkent davlat o‘zbek tili va adabiyoti universiteti akademik litseylarining o‘quvchilari jalb etildi.

O‘zbek tili va adabiyoti fanidan topshiriqlarning aprobatsiyasi 2020-yil 21-fevral kuni ham o‘tkaziladi.

Unda https://5fan.dtm.uz/ sayti orqali ro‘yxatdan o‘tgan talabgorlar ishtirok etishi mumkin.

Ro‘yxatga olish 20-fevral soat 12:00 gacha davom etadi.

Davlat test markazi matbuot xizmati