2020-yil 24 – 27-fevral kunlari o‘zbek tili va adabiyoti fanidan milliy test tizimining gapirish ko‘nikmasi bo‘yicha aprobatsiya o‘tkazildi.

Aprobatsiya 24-25-fevral kunlari Toshkent davlat o‘zbek tili va adabiyoti universiteti va Toshkent davlat pedagogika universiteti akademik litseylarida, 26-27-fevral kunlari esa Davlat test markazida bo‘lib o‘tdi.

Unda Toshkent davlat o‘zbek tili va adabiyoti universiteti va Toshkent davlat pedagogika universiteti akademik litseylarining o‘quvchilari hamda  https://5fan.dtm.uz/ sayti orqali ro‘yxatdan o‘tgan ixtiyoriy talabgorlarlar ishtirok etdilar.

O‘zbek tili va adabiyoti fanidan milliy test tizimi uchun ishlab chiqilgan topshiriqlarning o‘qish savodxonligi, til va adabiyotga oid ko‘nikmalar hamda yozish qismi bo‘yicha baholash ishlari davom etmoqda.

Davlat test markazi matbuot xizmati