2020-yil 29-iyun kuni O‘zbekiston milliy matbuot markazi binosida “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasi to‘g‘risida tuzilgan “Yo‘l xaritasi”da o‘z aksini topgan vazifa va topshiriqlar bo‘yicha bajarilgan ishlarning yarim yillik tahlili hamda 2020-2021-yil uchun oliy ta’lim muasasalariga qabul masalalariga bag‘ishlangan brifing bo‘lib o‘tdi.

Brifing Oliy va o‘rta maxsus ta’lim vazirligi tomonidan tashkil etilib, Davlat test markazi hamkorligida o‘tkazildi.

Brifingda Oliy va o‘rta maxsus ta’lim vaziri o‘rinbosari Begimkulov Uzoqboy Shoyimovich, bosh boshqarma boshlig‘i Xolikov Abduvali Jonizoqovich, Matbuot xizmati rahbari Farhod Babashev hamda Davlat test markazi matbuot xizmati vakillari ishtirok etdi.

Tadbir davomida  Davlat buyurtmasi parametrlariga asosan qabul ko‘rsatkichlari, oliy ta’lim bilan qamrov darajasi, xotin-qizlar uchun imtiyozlar, davlat-xususiy sheriklik shartlari asosida tashkil etilgan nodavlat oliy ta’lim muassasalari, kredit-modul tizimiga o‘tgan oliy ta’lim muassasalari va ular tomonidan olib borilayotgan ishlar, professor-o‘qituvchilarini xorijiy OTM va ilmiy-tadqiqot muassasalariga malaka oshirish hamda stajirovkaga yuborish, raqamli universitet loyihasi, OTMlarning ilmiy salohiyatining oshayotganligi  haqida keng ma’lumotlar berildi.

Tadbir yakunida OAV vakillarini qiziqtirgan savollarga javoblar berildi.

Brifing UzReport TV orqali jonli namoyish etildi.

Davlat test markazi matbuot xizmati