2020-jıl 29-iyun kúni Ózbekstan milliy xabar orayı binasında “Ózbekstan Respublikası joqarı bilimlendiriw sistemasın 2030-jılǵa shekem rawajlandırıw konsepciyası haqqında dúzilgen “Jol kartası”nda  óz kórinisin tapqan wazıypa hám tapsırmalar boyınsha orınlanǵan islerdiń yarım jıllıq talqılanıwı hám de 2020-2021-jıl ushın joqarı oqıw orınlarına qabıllaw máselelerine arnalǵan brifing bolıp ótti.

Brifing Joqarı hám orta arnawlı bilimlendiriw ministrligi tárepinen shólkemlestirilip, Mámleketlik test orayı menen birgelikte ótkerildi.

Brifingde Joqarı hám orta arnawlı bilimlendiriw ministri orınbasarı Begimkulov Uzoqboy Shoyimovich, bas basqarma baslıǵı Xolikov Abduvali Jonizoqovich, Xabar xızmeti baslıǵı Farxod Babashev hám de Mámleketlik test orayı xabar xızmeti wákilleri qatnastı.

Ilaj dawamında Mámleket buyırtpası parametrlerine tiykarlanıp tiykarınan qabıllaw kórsetkishleri, joqarı bilim menen qamtıp alıw dárejesi, hayal-qızlar ushın jeńillikler, mámleket-jeke sheriklik shártleri tiykarında shólkemlestirilgen mámleketlik emes joqarı oqıw orınları, kredit-modul sistemasına ótken joqarı oqıw orınları hám olar tárepinen alıp barılıp atırǵan jumıslar, professor-oqıtıwshılardı shet el JBM hám ilimiy-izertlew mekemelerine tájiriybe asırıw hám de stajirovkaǵa jiberiw, nomerli universitet joybarı, JBMlardıń ilimiy dárejesiniń artıp atırǵanlıǵı haqqında keń maǵlıwmatlar berildi.

Ilaj juwmaǵında ǴXB wákilleriniń qızıqtırǵan sorawlarına juwaplar berildi. Brifing UzReport TV arqalı janlı efirge berildi.

Mámleketlik test orayı xabar xızmeti