Vazirlar Mahkamasining 2008-yil 13-oktabrdagi 226-son qarori bilan tasdiqlangan nizomda O‘zbekiston Respublikasi Prezidentining davlat stipendiyalariga talabgor tayanch doktorantlar uchun test sinovi o‘tkazilishi belgilangan.
Shu maqsadda 2022-yil 2-mart kuni Davlat test markazida O‘zbekiston Respublikasi Prezidentining davlat stipendiyasiga talabgorlar uchun test sinovi tashkil etildi.
Test sinovida davlat oliy ta’lim muassasalari va ilmiy-tadqiqot institutlarining tayanch doktoranturasida tahsil olayotgan 41 nafar doktorant ishtirok etdi.
Unda talabgorlarning chet tillari (ingliz, nemis, fransuz), axborot texnologiyalari va O‘zbekiston tarixi fanlari bo‘yicha bilimlari sinovdan o‘tkazildi.
Natijalar hisoblangandan so‘ng Oliy va o‘rta maxsus ta’lim vazirligiga taqdim etiladi.
Davlat test markazi matbuot xizmati
Imtiyozga ega abituriyentlar va umumiy qabul parametrlari doirasida o‘tish ballari