Vazirlar Mahkamasining 2008-yil 13-oktabrdagi 226-son qarorining ikkinchi va uchinchi ilovalarida O‘zbekiston Respublikasi Prezidentining davlat stipendiyalariga talabgorlar test sinovi topshirishi belgilangan.

Shu maqsadda 2022-yil 15-dekabr kuni Davlat test markazida O‘zbekiston Respublikasi Prezidentining davlat stipendiyalariga talabgorlar uchun test sinovi tashkil etildi.

Test sinovida bakalavriat va magistratura bosqichlarida tahsil olayotgan 235 nafar talabgor ishtirok etdi.

Unda quyidagi fanlar bo‘yicha talabgorlarning bilimi sinovdan o‘tkazildi:

• axborot texnologiyalari (35 ta test topshirig‘i);
• O‘zbekiston tarixi (35 ta test topshirig‘i);
• xorijiy tillar (30 ta test topshirig‘i).

Natijalar hisoblangandan so‘ng Oliy va o‘rta maxsus ta’lim vazirligiga taqdim etiladi.

Davlat test markazi axborot xizmati