1992-yil 10-dekabr O‘zbekiston Respublikasining Davlat madhiyasi to‘g‘risidagi Qonun qabul qilingan kun.

Qonunga ko‘ra, Davlat madhiyasi O‘zbekiston Respublikasi Davlat suverenitetining ramzi bo‘lib, O‘zbekiston Respublikasining Davlat madhiyasiga zo‘r ehtirom bilan qarash O‘zbekiston Respublikasi har bir fuqarosining vatanparvarlik burchidir.

O‘zbek xalqi uchun qadrli bo‘lgan madhiya millatning asl qadriyatlarini aks ettiradi va eng asosiysi – Vatanimiz ozodligi va mustaqilligini himoya qilishga chorlaydi.

Shu munosabat bilan Davlat test markazi jamoasi barcha vatandoshlarni O‘zbekiston Respublikasi Davlat madhiyasi qabul qilingan kun bilan tabriklaydi!

Bugun suverenitetimiz ramzlaridan biri qabul qilingan sanani nishonlar ekanmiz, sizlarga farovonlik, maqsadlaringizga erishishingiz va Vatanimiz ravnaqi yo‘lida munosib mehnat qilishingizni tilaymiz!

Davlat test markazi matbuot xizmati