Bilimni baholash agentligida Prezident huzuridagi Davlat xizmatini rivojlantirish agentligi tashabbusi va Adliya vazirligi hamkorligida O‘zbekiston Respublikasining yangi tahrirdagi Konstitutsiyasi mazmun-mohiyatiga bag‘ishlangan o‘quv-seminar tashkil etildi.

Seminarda Jamoat xavfsizligi universitetining kafedra rahbarlari yuridik fanlar doktori, professor Sherzod Zulfikarov va yuridik fanlar doktori, dotsent Mirg‘olib Nurmatov hamda Toshkent davlat yuridik universiteti o‘qituvchisi Xurshid Botirov o‘z ma’ruzalari bilan ishtirok etdi.

Unda ishtirokchilarga yangi tahrirdagi Konstitutsiyani qabul qilish zarurati, dolzarbligi hamda mamlakatning keyingi istiqbolidagi huquqiy qomus o‘laroq ahamiyati haqida batafsil ma’lumot berildi.

Ma’lumot uchun, o‘quv seminarlari yakunlangach, barcha davlat fuqarolik xizmati xodimlarining yangi tahrirdagi Konstitutsiya bo‘yicha umumiy bilimlari test sinovlari orqali sinovdan o‘tkazilishi rejalashtirilgan.