O‘zbekiston Respublikasi Prezidentining 2020-yil 27-fevraldagi “Pedagogik ta’lim sohasini yanada rivojlantirish chora-tadbirlari to‘g‘risida”gi PQ-4623-son qarorida pedagogika ta’limi sohasining bakalavriat ta’lim yo‘nalishlariga o‘qishga qabul jarayonida abituriyentlarning pedagoglik kasbiga layoqati darajasini aniqlash bo‘yicha belgilangan topshiriqlar ijrosini ta’minlash yuzasidan tegishli ishlar amalga oshirildi.

Davlat test markazi, manfaatdor vazirliklar va Toshkent davlat pedagogika universiteti hamkorligida oliy pedagogika bakalavriat ta’lim yo‘nalishlari bo‘yicha “Abituriyentlarning pedagoglik kasbiga layoqatini aniqlash haqida” me’yoriy hujjat loyihasi tayyorlandi va O‘zbekiston Respublikasi normativ-huquqiy hujjatlar loyihalari muhokamasi portali regulation.gov.uz da joylashtirildi.

Mazkur hujjat, shuningdek, Davlat test markazining dtm.uz rasmiy veb-sayti hamda @rasmiydtm telegram kanaliga muhokama uchun qo‘yildi. Hujjat loyihasiga doir jamoatchilik takliflari, fikr-mulohazalarini o‘rganib borish maqsadida @dtmtaklifbot ishga tushirildi. Mazkur bot orqali oliy pedagogika ta’lim yo‘nalishlariga qabul qilish tartibi yuzasidan takliflar, fikr-mulohazalarni yuborish mumkin.

#Uydaqoling

Davlat test markazi matbuot xizmati