2021-jıl 23-aprel kúni saat 15:00 den 16:00 ge shekem Mámleketlik test orayınıń telegramdaǵı rásmiy kanalı  arqalı joqarı bilimlendiriw mekemelerine kiriw test sınaqları boyınsha ashıq pikirlesiw ótkeriledi.

Ashıq pikirlesiw telegramnıń dawıslı chat funkciyasınan paydalanǵan halda shólkemlestiriledi.

Ashıq pikirlesiw dawamında qatnasıwshılar qol kóteriw funkciyasınan paydalanǵan halda ózlerin qızıqtırǵan sorawlardı beriwi múmkin boladı.

Sorawlarǵa Mámleketlik test orayınıń qánigeleri tárepinen tolıq juwap beriledi.

Ashıq pikirlesiwde qatnasıw ushın Mámleketlik test orayınıń rásmiy telegram kanalına aǵza bolıwdı umıtpań: https://t.me/dtmuzb.

Dawıslı chat funkciyası islewi ushın telegramnıń sońǵı versiyası bolıwı kerek. Eger sizde telegramnıń sońǵı versiyası ornatılmaǵan bolsa, baǵdarlamanı jańalap alıwdı umıtpań.

Mámleketlik test orayı xabar xızmeti