2019-yil 12-avgust kuni 1-smenada Respublika bo'yicha 9 ta hududda test sinovlari bo'lib o'tdi.

Test sinovlarida birinchi smenada jami 18 472 nafar abituriyent ishtirok etishi belgilangan edi.
Shundan, 17 919 nafar abituriyent test sinovlarida ishtirok etdi, 552 nafar abituriyent turli sabablarga koʻra test sinovlariga kelmadi, 1 nafar abituriyent tartib-qoidalarni buzganligi sababli hududga kirish joyida  test sinovlaridan chetlashtirildi.

2019-yil 12-avgust kuni 1-smenada test sinovlari bo'lib o'tgan hududlar:
1. Qoraqalpog'iston Respublikasi;
2. Andijon viloyati;
3. Farg'ona viloyati;
4. Buxoro viloyati;
5. Xorazm viloyati;
6. Qashqadaryo viloyati;
7. Jizzax viloyati;
8. Navoiy viloyati;
9. Samarqand viloyati.

Barcha abituriyentlarga test sinovlari bo'lib o'tadigan binolarga belgilangan vaqtdan kechikmasdan "Abituriyent ruxsatnomasi" va shaxsini tasdiqlovchi hujjat - pasporti bilan kelishlari shart ekanligini eslatib o'tamiz.

Davlat test markazi barcha abituriyentlarga muvaffaqiyat tilaydi!