Ózbekstan Respublikası Ekonomikalıq rawajlanıw hám kámbaǵallıqtı qısqarttırıw ministrligi tárepinen “2021-2022-oqıw jılında Ózbekstan Respublikasınıń joqarı bilimlendiriw mekemelerine oqıwǵa qabıllawdıń mámleketlik buyırtpası parametrleri haqqında”ǵı Prezident qararı joybarı normativ-huqıqıy hújjetler joybarlar portaliga jaylandı.

Onda, tómendegiler 2021-2022-oqıw jılında joqarı bilimlendiriw mekemelerine mámleketlik buyırtpası qabıllaw parametrlerin qáliplestiriwdiń tiykarǵı baǵdarları etip belgileniwi kózde tutılǵan:

• birinshiden, mámleketlik buyırtpası parametrleri sheńberinde jaslardı joqarı bilimlendiriwge qamtıp alıwdı keńeyttiriw, mámleketlik grant tiykarındaǵı mámleketlik buyırtpası parametrlerin 2020-2021-oqıw jılna qaraǵanda 25 payızǵa arttırılǵan halda belgilew;
• ekinshiden, jámiyiette hayallar rolin arttırıw, mútáj shańaraqlar qızları ushın “sociallıq lift” principi tiykarında hayal-qızlardı joqarı bilimlendiriw menen qamtıp alıw dárejesin keńeyttiriw maqsetinde ayırıqsha grant orınların eki esege arttırıw;
• úshishiden, joqarı bilimlendiriw mekemelerine oqıwǵa qabıllaw mámleketlik buyırtpası parametrlerin qáliplestiriw boyınsha kadrlar buyırtpashıları itiyajların “quota.idm.uz” elektron portalı arqalı anıqlaw;
• tórtinshiden, ministrlik hám organlar, ekonomikalıq tarmaqlardıń zárúrlik joqarı bolǵan baǵdarları boyınsha kadrlar tayarlawda mámleketlik grantın mámleketlik emes joqarı bilimlendiriw shólkemlerine de beriw;
• besinshiden, joqarı máǵlıwmatlı kadrlarǵa zárúrlilik joqarı bolǵan aymaqlar ushın mámleketlik buyırtpası parametrleriniń mámleketlik grantı tiykarındaǵı qabıllaw kórsetkishleri sheńberinde maqsetli qabıllaw parametrlerin rayon (qala)lar kesiminde bólistiriw.

Joqarı bilimlendiriw mekemelerine Mámleketlik buyırtpası parametrleri:

• bakalavrlar tayarlaw boyınsha:

1. kúndizgi bilimlendiriw túrine – 115 343;
2. sırtqı bilimlendiriw túrine – 36 211;
3. keshki bilimlendiriw túrine – 6 325;

• magistrlar tayarlaw boyınsha – 12 914;
• mámleketlik emes joqarı bilimlendiriw shólkemlerine mámleketlik buyırtpası parametrleri 56 etip belgileniwi jazip qoyılǵan.

Sonday-aq, Máhálle hám shańaraqtı qollap-quwatlaw ministrliginiń usınısnamasına iye bolǵan hayal-qızlar ushın  bakalavriattıń kúndizgi bilimlendiriw túri boyınsha 2000 qosımsha mámleketlik granti ajıratılıwı kútilmekte.

Joybar dodalawı 10-aprelge shekem dawam etedi.

Mámleketlik test orayı xabar xızmeti