2022-jıl 24-oktyabr kúni matematika, fizika, ximiya hám biologiya pánlerinen milliy sertifikat imtixanları ushın talabanlardı dizimge alıw baslanǵan edi.
Talabanlardı dizimge alıw 12-noyabrge shekem dawam etedi hám test sınaqları 4- hám 18-dekabr kúnleri bolıp ótedi.
Házirgi waqıtta talabanlar tárepinen ana tili hám ádebiyat páninen de milliy sertifikat imtixanları ótkerileme degen mazmunda kóplegen sorawlar kelip túsip atır.
Sonı málim etemiz, Mámleketlik test orayı tárepinen ulıwma bilim beriw pánlerinen milliy sertifikat imtixanların yanvar ayında da shólkemlestiriw rejelestirilgen.
Bunda milliy sertifikat imtixanları fizika, ximiya hám de ana (ózbek, rus, qaraqalpaq ) tili hám ádebiyat pánlerinen bolıp ótedi.
Mámleketlik test orayınıń málimleme xızmeti
