Umumta’lim fanlaridan milliy sertifikat imtihonlarida ona tili va adabiyot fanidan talabgorlarning bilim darajasini aniqlashda yozma ish (esse)ni baholash mezoni Agentlikning rasmiy saytiga joylashtirildi.

Baholash mezoniga ko‘ra yozma ishlar 12 ta holat bo‘yicha 0 balldan 2 ballgacha baholanadi. Bunda to‘plash mumkin bo‘lgan maksimal ball 24 ballni tashkil etadi.

Quyidagi hollarda esse tekshirilmaydi va 2 ball bilan baholanadi:

• esse yozilgan, lekin mavzuga mos bo‘lmasa;
• essening hajmi 100 ta so‘zdan kam bo‘lsa;
• esse boshqa manbadan ko‘chirilgan bo‘lsa.

Esse yozilmagan bo‘lsa, 0 ball beriladi.

Ona tili va adabiyot fanidan yozma ishni baholash mezoni bilan quyidagi havola orqali tanishish mumkin https://uzbmb.uz/page/checked.