Vazirlar Mahkamasining 2020-yil 12-oktabrdagi 646-son qarori bilan umumta’lim fanlarini bilish darajasini baholashning milliy test tizimi joriy etilgan edi.
Mazkur qarorga muvofiq 2020-yil 1-dekabrdan 31-dekabrga qadar ona tili va adabiyot hamda matematika fanlari bo‘yicha test sinovlarida ishtirok etish istagini bildirgan talabgorlar Davlat test markazi tomonidan onlayn ro‘yxatga olindi.
Mazkur muddat davomida onlayn ro‘yxatdan o‘tgan va to‘lovni amalga oshirgan talabgorlar uchun ona tili va adabiyot (o‘zbek tili va adabiyoti, rus tili va adabiyoti, qoraqalpoq tili va adabiyoti) hamda matematika fanlari bo‘yicha test sinovlari 13-14-aprel kunlari o‘tkazilishini ma’lum qilamiz.
Talabgorlar test joyi, kuni va vaqtini my.dtm.uz sayti orqali shaxsiy kabinetidan bilib olishlari mumkin.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat