Chet tilini bilish va egallash darajasini aniqlash test sinovlariga 2020-yil oktabr va noyabr oylari uchun onlayn ro‘yxatdan o‘tish 28-sentabrdan boshlanadi.

Oktabr oyi uchun onlayn ro‘yxatdan o‘tgan talabgorlarning hujjatlari Davlat test markazi va uning hududiy bo‘limlarida 2020-yil 5-9-oktabr kunlari qabul qilinishi va test sinovlari 22-23-oktabr kunlarida o‘tkazilishi rejalashtirilmoqda.

Noyabr oyi uchun onlayn ro‘yxatdan o‘tgan talabgorlarning hujjatlari Davlat test markazi va uning hududiy bo‘limlarida 2020-yil 2-6-noyabr kunlari qabul qilinishi va test sinovlari 19-20-noyabr kunlarida o‘tkazilishi rejalashtirilmoqda.

Test joyi, kuni va vaqtini Davlat test markazining rasmiy veb-saytidan (https://dtm.uz/page/cefr) “Shaxsiy kabinet”ingiz orqali bilib olishingiz mumkin.

Eslatma: Hujjat qabul qilish va test sinovlarini o‘tkazish sanalari respublikamizdagi pandemiya holati yuzasidan o‘zgartirilishi mumkin.

So‘nggi yangiliklarni Davlat test markazining rasmiy veb-sayti, ijtimoiy tarmoqlardagi rasmiy sahifalari va shaxsiy kabinetingizdan kuzatib borishingiz  mumkin.

Davlat test markazi matbuot xizmati