Mamlakatimizda boshlangan pandemiyaga qarshi kurash chora-tadbirlari amalga oshirilayotganligi (karantin) munosabati bilan Davlat test markazi tomonidan guruhlar ishtirokida tashkil etiladigan test sinovlari karantin davrida vaqtincha to‘xtatilganligi ba’zilarda barcha test sinovlari sifatida qabul qilinmoqda.

E’tirof etish kerakki, barcha test sinovlari to‘xtatilgan emas. Bunda faqat ommaviy to‘planish orqali o‘tadigan jarayonlar nazarda tutilgan, xolos. ONLAYN tizim orqali “Test topshiriqlari to‘plami 2019”dagi test topshiriqlari asosida e-Sinov, majburiy fanlar bo‘yicha shakllantirilgan test topshiriqlari asosida yo‘lga qo‘yilgan “ONLINE TEST” (ochiq testlar bilan ishlash) shakllaridagi test sinovlari davom etmoqda.

Shuningdek, diagnostik test sinovlari avval guruhlarda bir joyda to‘plangan holda o‘tkazilgan bo‘lsa, endilikda diagnostik test materiallarini 5fan.dtm.uz sayti orqali uydan turib buyurtma berish, uyda ishlash va  natijalarni bilish tizimi ham ishlamoqda.

Har qanday holatda ham sog‘lom, har tomonlama bilimli, oilaparvar, yurt uchun jonkuyar bo‘lib qoling.

Davlat test markazi barcha foydalanuvchilarga muvaffaqiyat tilaydi.

Davlat test markazi matbuot xizmati