Ingliz tilini bilish darajasini aniqlash test sinovlarini kompyuterda elektron tarzda o‘tkazish uchun ishlab chiqilgan dastur test rejimida ishga tushirildi.

Tizim bilan tanishish istagini bildirgan talabgorlar test.dtm.uz sayti orqali 4 ta ko‘nikma bo‘yicha imtihon topshirib, dastur bilan ishlash ko‘nikmasini hosil qilishlari mumkin.

Bunda talabgorlar tinglab tushunish (listening) va o‘qish (reading) ko‘nikmalari bo‘yicha o‘z natijalarini test sinovi yakunlanishi bilan bilib oladi.

Yozma ish (writing) va gapirish (speaking) ko‘nikmalari bo‘yicha natijalar esa e’lon qilinmaydi.

Tizimdan faqat kompyuter orqali foydalanish mumkin bo‘lib, bunda i3-10300 avlodidan past bo‘lmagan protsessor (grafik chipi bilan) va 8GB dan kam bo‘lmagan tezkor xotira qurilmasiga ega kompyuter bo‘lishi lozim.

Izoh: foydalanuvchilarga qulay bo‘lishi uchun tizimda shaxsni identifikatsiyalash kabi ba’zi funksiyalar o‘chirib qo‘yilgan.

Davlat test markazi matbuot xizmati