Ministrler Kabinetiniń 2022-jıl 19-yanvar kúni qabıllaǵan “Shet tillerdi úyreniwdi jetilistiriw boyınsha qosımsha is-ilajlar haqqında”ǵı 34-sanlı qararında usı tarawǵa tiyisli ózgerisler óziniń sáwlesin taptı.

Bul haqqında https://t.me/huquqiyaxborot  internet basılımı xabar bermekte. Berilgen xabarǵa bola, 2022-jıl 1-marttan baslap shet tili páni oqıtıwshılarınıń tıńlap túsiniw, oqıw, jazıw hám sóylew kompetenciyaların rawajlandırıwǵa hám de sertifikatlarǵa iye bolıwǵa baǵdarlanǵan oqıw kursları shólkemlestiriledi.

2022/2023-oqıw jılınan mektepler ushın zamanagóy til úyretiw metodikaları tiykarında islep shıǵılǵan sabaqlıqlar baspadan shıǵaraladı.

Sonday-aq, 2022/2023-oqıw jılı qabıllawınan baslap shet tiller boyınsha qánigelerdi tayarlawǵa qánigelesken bir qatar joqarı oqıw orınlarına kiriw imtixanlarında shet tili páninen tıńlap túsiniw, oqıw, jazıw hám sóylew kompetenciyaların anıqlaw hám bahalawǵa qaratılǵan kásiplik (dóretiwshilik) imtixan ótkeriw jolǵa qoyıladı.

Bular:

Pánler kompleksine shet tili birinshi pán sıpatında kiritilgen tómendegi joqarı oqıw orınları bakalavr tálim baǵdarlarına:

• Ózbekstan mámleketlik jáhán tilleri universiteti;
• Samarqand mámleketlik shet tiller universiteti;
• Tashkent mámleketlik shıǵıstanıw universiteti;

tómendegi joqarı oqıw orınlarınıń shet tilleri boyınsha pedagoglardı tayarlawshı bakalavr tálim baǵdarlarına:

• Tashkent mámleketlik pedagogika universiteti;
• Qoqan mámleketlik pedagogika institutı;
• Nókis mámleketlik pedagogika institutı.

Shet tili páninen kásiplik (dóretiwshilik) imtixanlar Mámleketlik test orayı tárepinen ámelge asırıladı.

2024/2025-oqıw jılınan joqarı oqıw orınları ushın belgilengen májbúriy pánler kompleksine shet tili páni basqıshpa basqısh kiritiledi.

Tolıq maǵlıwmat alıw ushın: https://bit.ly/3nGCQAt