Chet tillari o‘qituvchilarining bazaviy oylik maoshlariga ustama belgilash uchun o‘tkazilayotgan test sinovlari bugun davom etdi.

25-dekabr kuni rejaga ko‘ra Farg‘ona, Xorazm, Jizzax, Surxondaryo viloyatlarida 2 smenada o‘tkazilgan test sinovlarida jami 984 nafar chet tillari o‘qituvchilari jalb qilingan bo‘lib, ulardan 107 nafari ishtirok etmadi. Test sinovlari amaldagi tartibga qat‘iy rioya etilgan holda o‘tkazildi.

Barcha test materiallari Davlat test markaziga yetkazilgach, belgilangan tartibda natijalarni hisoblash ishlari boshlanadi.

Davlat test markazi matbuot xizmati