O‘zbekiston Respublikasi Vazirlar Mahkamasi huzuridagi Davlat test markazi direktorining Adliya vazirligi tomonidan 2520 raqami bilan ro‘yxatdan o‘tkazilgan “Chet tillar o‘qituvchilarining bazaviy lavozim maoshlariga oylik ustama belgilash uchun test sinovlarini o‘tkazish tartibi to‘g‘risidagi nizomni tasdiqlash haqida”gi 01-339-son (2013-yil 10-oktabr) buyrug‘iga muvofiq joriy yil Chet tillar o‘qituvchilarining bazaviy oylik maoshlariga ustama belgilash uchun test sinovlari o‘tkazish jarayonlari boshlandi.

Bugun 24-dekabr kuni rejaga ko‘ra Qoraqalpog‘iston Respublikasi va Andijon, Namangan, Buxoro, Qashqadaryo, Navoiy, Samarqand, Sirdaryo, Toshkent viloyatlari hamda Toshkent shahrida 2 smenada o‘tkazilgan test sinovlarida jami 2183 nafar chet tillar o‘qituvchilari jalb qilingan bo‘lib, ulardan 221 nafari ishtirok etmadi.

Test sinovlari jarayonlari 25-dekabr kuni davom etadi.

Davlat test markazi matbuot xizmati