Aqırǵı jıllarda Mámleketlik test orayı shet el mámleketleriniń tarawǵa jaqın shólkemleri menen birge islesiwdi rawajlandırıp barmaqta. Bul boyınsha Shıǵıs Aziya, Evropa, Ǵárezsiz mámleketler doslıq awqamı mámleketleri menen birge islesiw jetekshi bolmaqta.
Ásirese, Azerbayjan Respublikasınıń Mámleketlik imtixan orayı menen alıp barılıp atırǵan jumıslar kóleminiń keńeyip baratırǵanlıǵın aytıp ótiw orınlı. Ótken jıllarda Mámleketlik test orayı delegaciyası bul mámlekette bolıp, olar menen tájiriybe almasqan edi. Házirgi kúnde dawam etip atırǵan pandemiya sharayatında bunday ushırasıwlar onlayn tárizde bolıp ótpekte.
2021-jıl 23-noyabr kúni Mámleketlik test orayı hám Azerbayjan Mámleketlik imtixan orayı ortasındaǵı náwbettegi onlayn ushırasıwda hár eki táreptiń baslıqları xalıqlarımızdıń tariyxıy jolları, kewiller jaqınlıǵı, ázelden mádeniy-aǵartıw, ádebiy ómiri uqsas ekenligi atap ótildi. Sonday-aq, ilaj dawamında hár eki oray turaqlı túrde ózleriniń tájiriybelerin almasıw, baylanıslardı bekkemlew, ushırasıwlardıń dawamlı bolıwın támiyinlew ilajların talqıladı hám eki shólkem ortasında Memorandumǵa qol qoyıldı.
Mámleketlik test orayı hám Azerbayjan Mámleketlik imtixan orayı Memorandumǵa qol qoyıw arqalı kerekli tarawlarda birge islesiwge kelisip aldı.
Iskerlik túrinen kelip shıǵıp Memorandumda tómendegi birge islesiw maqsetleri kózde tutıldı:
Ushırasıwda wákillik hám jumıs alıp barıw basqıshlarınıń bir ekenligi moyınlanǵan halda birge islesiwdiń nátiyjeli forma hám usılların qollaw hám taraw boyınsha turaqlı izertlew alıp barıw hár eki oraydıń iskerligin jetilistiriwge xızmet etiwi atap ótildi.
Mámleketlik test orayınıń málimleme xızmeti
