2020-2021-o‘quv yili uchun respublika oliy ta’lim muassasalariga kirishda fuqarolik pasporti olish yoshiga yetmagan yoki fuqarolik pasporti olish yoshiga yetgan, ammo pasport olishga ulgurmagan abituriyentlar yashash joylariga yaqin bo‘lgan oliy ta’lim muassasalariga ro‘yxatdan o‘tish uchun murojaat qilishlari mumkin.

Bunda ular oliy ta’lim muassasasiga o‘z tumanidagi Migratsiya va fuqarolikni rasmiylashtirish bo‘limlari (pasport stol)dan 03-shakl (oldingi 09-shakl) ma’lumotnoma olgan holda murojaat qilishlari kerak.

Fuqarolik pasportini yaqinda olgan, ammo abitur.dtm.uz sayti orqali abituriyent sifatida ro‘yxatdan o‘ta olmayotgan fuqarolardan esa mazkur fuqarolik pasportlari bilan yashash joylariga yaqin bo‘lgan oliy ta’lim muassasalariga murojaat qilishlari so‘raladi.

Mazkur istisno holat ro‘yxatdan o‘tish jarayoni uchun taalluqli bo‘lib, abituriyentlarga test sinovlari boshlangunga qadar fuqarolik pasportini olish tavsiya etiladi.

Abituriyentlarga fuqarolik pasportisiz test sinovlariga kirishga ruxsat etilmaydi.

Davlat test markazi matbuot xizmati