2020-yil 31-yanvar kuni Davlat test markazida O‘zbekiston Respublikasi Prezidentining Oliy Majlisga qilgan Murojaatnomasi bo‘yicha navbatdagi yig‘ilish o‘tkazildi.

Yig‘ilishda Davlat test markazi rahbariyati va xodimlar ishtirok etdilar. Tadbir davomida Murojaatnomaning o‘ta muhim ahamiyati, dolzarbligi bilan bir qatorda, mamlakatimiz va xalqimiz oldida turgan ulkan vazifalar, imkoniyatlarni hisobga olib, 2020-yil va kelgusi 5 yilda rivojlantirish bo‘yicha, ustuvor yo‘nalish va vazifalar belgilab olinganligi alohida qayd etildi.

Shunindek, so‘zga chiqqanlar o‘tgan yilda qo‘lga kiritilgan yutuqlar bilan birga, tanqidiy, tahliliy xulosalarga to‘xtaldilar. Ma’ruzalarda jamiyatimizning boshqa sohalarida belgilangan olmashumul vazifalar kabi oliy ta’lim olish sohasida olib borilgan va olib borilayotgan ulkan ishlar, vazifalar tilga olindi.

Xususan, maktab bitiruvchilarini oliy ta’lim bilan qamrab olish darajasini 2020-yilda kamida 25 foizga va kelgusida 50-60 foizga yetkazish, oliy ta’lim qamrovini oshirish to‘lov kontraktga bog‘liq bo‘lmasligi, oliy o‘quv yurtlariga talabalar qabul qilish davlat granti o‘rinlari 2 barobar oshirilishi, qiz abituriyentlar uchun alohida grantlar ajratilishi, oliy ta’lim muassasalariga kirish imtihonlari optimallashtirilishi, o‘qishga kirish jarayonlari soddalashtirilishi, chet tili va sharq tillari kabi boshqa umumta’lim fanlardan bilimni baholashning milliy test tizimi yaratilishi, abituriyentlar ushbu fanlardan tegishli guvohnoma olganda, oliy o‘quv yurtiga o‘qishga kirayotgan paytda shu fanlardan qayta sinov topshirmasligi bo‘yicha tushuntirishlar berildi.

Shu bilan bir qatorda, ma’ruzachilar va ishtirokchilar oliy ta’lim standartlari xorijiy tajriba asosida takomillashtirilishi, ta’lim yo‘nalishlari va o‘qitiladigan fanlar qayta ko‘rib chiqilishi, mutaxassislikka aloqasi bo‘lmagan fanlar soni 2 barobar qisqartirilishi, oliy ta’limda o‘quv jarayonini kredit-modul tizimiga o‘tkazish talab etilayotganligi, joriy yildan ta’limning 6 ta yo‘nalishi bo‘yicha o‘qish muddati 3 yil qilib belgilanishi, oliy o‘quv yurtlariga bosqichma-bosqich akademik va moliyaviy mustaqillik berilishi, konkurs asosida tanlab olinadigan kamida 5 ta oliy ta’lim muassasasi, nufuzli xorijiy oliy ta’lim dargohlari bilan hamkorlikda transformatsiya qilinishi va boshqa o‘zgarishlar olamshumul voqelik hamda jasorat talab etadigan qadam bo‘lganligini e’tirof etdilar.

Davlat test markazi matbuot xizmati