2021-2022-oqıw jılı ushın professional oqıw orınlarına kiriw test sınaqları 12-17-noyabr kúnleri ótkeriliwi belgilengen bolıp, test sınaqları Ministrler Kabinetiniń 2020-jıl 12-noyabrdegi “Ózbekstan Respublikası professional oqıw orınlarına oqıwǵa qabıl qılıw is-ilajları haqqında»ǵı 715-sanlı qararı talaplarına muwapıq ótkerilmekte.

Sociallıq tarmaqlarda test sınaqları bazası «shıǵıp ketkenligi» hám usı sorawlar abiturientler tárepinen yadlanıp atırǵanlıǵı boyınsha xabarlar berilmekte.

Usı xabarlarda keltirilgen test tapsırmaları 2020-jılı ashıq sawdaǵa shıǵarılǵan test tapsırmaları toplamlarınan alınǵan bolıp, processional oqıw orınlarına kiriw test sınaqlarına tiyisli emes.

Usı sebepli puqaralardan hár qıylı aldawlarǵa isenip qalmaslıǵın hám óz bilimlerine iseniwlerin soraymız.

Mámleketlik test orayı test sınaqların ashıq aydın hám ádalatlı ótkeriw táreptarı bolıp, test tapsırmaları qáwipsizligin támiyinlew boyınsha barlıq tiyisli ilajlar ámelge asırılǵan.

Eger test sınaqlarında nızam buzılıw jaǵdaylarına dus kelseńiz yamasa gúwası bolsańız Mámleketlik test orayınıń 1195 qısqa nomerine qońıraw etiwińizdi soraymız hám Mámleketlik test orayı tárepinen hár bir halat boyınsha úyreniwler alıp barılıwın málim etemiz.

Mámleketlik test orayınıń málimleme xızmeti