2022-2023-oqıw jılı ushın professional bilimlendiriw mákemeleri (kolledj hám texnikum) ne kiriw test sınaqları 2022-yil 3 – 8-oktyabr kúnleri 2 smenada ótkeriledi. Bunda test sınaqları:

• 1-smenada 09:00 den 12:00 ge shekem;
• 2-smenada 14:30 dan 17:30 ǵa shekem bolıp ótedi.

Test sınaǵı kásip hám qánigelikke sáykes 2 pán hám bárshe test tapsırıwshılar ushın májbúriy bolǵan 3 pán (ana tili, matematika, Ózbekstan tariyxı) nen ótkeriledi.

Onda talapkerlerge qánigelik pánlerinen 30, májbúriy pánlerden 10, jámi 90 test tapsırması beriledi hám olardı islew ushın 3 saat waqıt ajıratıladı.

Test sınaqlarında toplaw múmkin bolǵan maksimal ball – 189 ball bolıp, hárbir tuwrı juwap ushın:

• 1-qánigelik páninde — 3,1 balldan (jámi 93 ball);
• 2-qánigelik páninde — 2,1 balldan (jámi 63 ball);
• májbúriy pánlerde — 1,1 balldan (jámi 33 ball) beriledi.

Talapkerler test sınaǵında qatnasıw ushın ruqsatnamanı Mámleketlik test orayınıń my.dtm.uz saytınan júklep alıwı múmkin.

Talapkerlerden test sınaǵı ótkeriletuǵın aymaqqa belgilengen waqıttan keminde 1 saat aldın shaxsın tastıyıqlawshı hújjet hám test sınaǵında qatnasıw ushın ruqsatnama menen keliwi soraladı.

Mámleketlik test orayı málimleme xızmeti