2022-yil 19-aprel kuni Davlat test markazi tomonidan profilaktika (katta) inspektorlarining bilim darajalarini aniqlash uchun test sinovlari o‘tkazildi.
Test sinovlari O‘zbekiston Respublikasi Prezidentining “Ichki ishlar organlari profilaktika inspektorlarining yuridik yo‘nalishdagi bilimlarini oshirish bo‘yicha qo‘shimcha chora-tadbirlar to‘g‘risida” 2021-yil 30-noyabrdagi PQ-23-son qaroriga muvofiq tashkil etildi.
Test sinovlari Ichki ishlar vazirligining talabiga binoan Buxoro, Qashqadaryo va Namangan viloyatlari hamda Toshkent shahrida tashkil etilib, jami 438 nafar talabgor ishtirok etdi.
Unda talabgorlarga huquqshunoslik fani (30 ta) va intellektual qobiliyat (30 ta) bo‘yicha 60 ta test topshirig‘i hamda ularni ishlash uchun 2 soat vaqt berildi.
Test natijalari hisoblangandan so‘ng Ichki ishlar vazirligiga taqdim etiladi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat