2023-yil 23-iyun kuni Toshkent shahridagi Puchon universitetiga o‘qishga kirish uchun test sinovlari bo‘lib o‘tdi.

Test sinovi Bilimni baholash agentligida tashkil etilib, talabgorlarning ingliz va koreys tillarini bilish darajasi aniqlandi.

Buning uchun talabgorlarning o‘qish hamda leksik va grammatik kompetensiyalar bo‘limlari bo‘yicha bilimi sinovdan o‘tkazildi.

Test sinovida talabgorlarga har bir bo‘lim bo‘yicha 30 tadan jami 60 ta test topshirig‘i va ularni ishlash uchun 1 soat-u 40 daqiqa vaqt berildi.

Test natijalari 3 ish kuni ichida hisoblanib, Puchon universitetiga taqdim etiladi.