2020-yil 16-oktabr kuni Davlat test markazida mamlakatimizda keng nishonlanayotgan “Qadring baland bo‘lsin, ona tilim” umummilliy shiori ostida tashkil etilgan adabiy-ma’rifiy tadbir o‘tkazildi.

Ushbu tadbirda “Sharq yulduzi” jurnali bosh muharriri, atoqli shoir Sirojiddin Rauf va O‘zbek tili, adabiyoti va folklori instituti ilmiy xodimlari F.Musayeva, Z.Muqimova hamda Davlat test markazi xodimlari ishtirok etdilar.

Tadbir mehmonlari tomonidan tilimizning yuksalish yo‘li, tarixiy ahamiyati, bu yo‘ldagi qiyinchiliklar, respublika siyosiy hayotida va adabiyoti taraqqiyotida tutgan o‘rni to‘g‘risida muhim ma’lumotlar berildi, shuningdek, O‘zbek tilining Davlat tili sifatidagi nufuzini oshirish bo‘yicha olib borilayotgan ishlar yuzasidan fikrlar bildirildi.

Tadbir qiziqarli va musohabaga boy tarzda o‘tdi.

Davlat test markazi matbuot xizmati