2021-jıl 30-yanvar kúni “Informatika hám informaciyalıq texnologiyaları páni” oqıtıwshılarınıń sanlı texnologiyalardan paydalanıw kónlikpelerin anıqlaw boyınsha sertifikatlaw milliy sistemasın engiziw haqqında” Ministrler Kabineti qararınıń joybarı dodalawǵa qoyıldı.

Onda:

Oqıtıwshılardıń sanlı texnologiyalardan paydalanıw kónlikpelerin anıqlaw eki basqıshta (birinshi basqıshta teoriyalıq, ekinshi basqıshta ámeliy kónlikpelerdi anıqlaw arqalı) ámelge asırıladı.

Sanlı texnologiyalardan paydalanıw kónlikpelerin iyelew dárejesi boyınsha sertifikat 3 jıl múddetke beriledi hám sertifikatqa iye bolǵan qánigelestirilgen mekteplerdiń “Informatika hám informaciyalıq texnologiyaları páni” oqıtıwshılarına bazalıq tarif stavkası boyınsha tómendegi payız muǵdarında hár aylıq ústeme engiziledi.

Birinshi basqısh nátiyjesi boyınsha eń joqarı baldıń keminde 70 payızın toplaǵan oqıtıwshılar ekinshi basqıshqa usınıs etiledi hám ekinshi basqısh nátiyjeleri boyınsha eń joqarı baldıń:

• 40-49 payızdı toplaǵan oqıtıwshılarǵa 10 payız muǵdarında;
• 50-59 payızdı toplaǵan oqıtıwshılarǵa 20 payız muǵdarında;
• 60-69 payızdı toplaǵan oqıtıwshılarǵa 30 payız muǵdarında;
• 70-79 payızdı toplaǵan oqıtıwshılarǵa 40 payız muǵdarında;
• 80-100 payızdı toplaǵan oqıtıwshılarǵa 50 payız muǵdarında ústeme engiziledi.

Oqıtıwshılardıń sanlı texnologiyalardan paydalanıw kónlikpelerin anıqlaw ushın tapsırmalar formatı hám bahalaw ólshemleri Informaciyalıq texnologiyaları hám kommunikaciyaların rawajlandırıw ministrligi tárepinen usınıs etiletuǵın professor-oqıtıwshı hám de tarawdaǵı joqarı tájiriybeli qánigeler tárepinen islep shıǵıladı, ol Mámleketlik test orayı menen kelisiledi hám de tastıyıqlanadı.

Joybardıń dodalanıwı 14-fevral kúnine shekem dawam etedi.

Mámleketlik test orayı xabar xızmeti