O‘zbekiston Respublikasi Bosh vaziri o‘rinbosarining 2019 yil 26 sentyabrdagi 14/1–2100-son ko‘rsatmasiga muvofiq Qo‘qon universitetiga kirish test sinovlari o‘tkazilishi belgilandi. Test sinovlari joriy yil 30 sentyabr kuni Toshkent shahrida, “O‘zko‘rgazmasavdo” MChJ pavilonida, 3-4 oktyabr kunlari Farg‘ona shahar olimpiya zahiralari kolleji va Farg‘ona davlat universitetining sport majmui binolarida bo‘lib o‘tadi. 

30 sentyabr kuni Toshkent shahrida, “O‘zko‘rgazmasavdo” MChJ pavilonida o‘tkaziladigan test sinovlariga vodiy viloyatlaridan tashqari hududlardan hujjat topshirgan abituriyentlar, 3-4 oktyabr kunlari Farg‘ona shahar olimpiya zahiralari kolleji va Farg‘ona davlat universitetining sport majmui binolarida o‘tkaziladigan test sinovlariga Farg‘ona, Andijon va Namangan viloyatlaridan hujjat topshirgan abituriyentlar ishtirok etadilar.

Test sinovlariga tayyorgarlik ko‘rish, o‘tkazish amaldagi O‘zbekiston Respublikasi oliy ta'lim muassasalarining bakalavriatiga o‘qishga qabul qilish uchun kirish test sinovlarini o‘tkazish tartibi to‘g‘risidagi nizom asosida amalga oshiriladi. 

Test sinovlariga jalb etiladigan jami abituriyentlar soni 9261 nafarni tashkil etadi.

Barcha abituriyentlarga muvaffaqiyat tilaymiz.