2019-yil 30-sentabr kuni Toshkent shahrida “O‘zko‘rgazmasavdo” MCHJ pavilonida Qo‘qon universitetiga qabul test sinovlari o‘tkazildi.
Test sinovlarida vodiy viloyatlaridan tashqari hududlardan hujjat topshirgan abituriyentlar ishtirok etdilar. Test sinovlari ikki smenada tashkil etildi.

Jarayonga ishtirok etishi rejalashtirilgan 2167 nafar abituriyentdan 1392 nafari qatnashdi, 775 nafari kelmadi, belgilangan tartibni buzganligi sababli, 1 nafar abituriyent chetlatildi.

Test materiallari Davlat test markaziga o‘z vaqtida olib kelindi va maxsus rejimda natija chiqarish ishlari boshlab yuborildi.

Eslatma: 3-4 oktabr kunlari Farg‘ona shahar olimpiya zahiralari kolleji va Farg‘ona davlat universitetining sport majmui binolarida Farg‘ona, Andijon va Namangan viloyatlaridan hujjat topshirgan abituriyentlar uchun test sinovlari bo‘lib o‘tadi.

Barcha abituriyentlarga muvaffaqiyat tilaymiz.

Axborot xizmati