O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasining 2020-yil 19-iyundagi 1-son bayoniga muvofiq oliy ta’lim muassasalariga qabul bo‘yicha test sinovlari o‘tkaziladigan hududga kirishda tana harorati 370 C dan yuqori bo‘lgan abituriyentlarni kiritmasdan, ular uchun test sinovlari to‘liq yakunlangandan keyin to‘rtinchi kuni test sinovilarini o‘tkazish belgilangan.
Davlat komissiyasining 2020-yil 13-sentabrdagi 4-son bayonida joriy yil 2-13-sentabr kunlari o‘tkazilgan test sinovlarida hududga kirishda tana harorati 370 C dan yuqori bo‘lgan hamda test sinovi o‘tkaziladigan kunda koronavirus infeksiyasi bilan kasallangan abituriyentlar uchun test sinovlarini 2020-yil 17-sentabr kuni tashkil etish belgilangan.
Mazkur abituriyentlar uchun test sinovlari 2020-yil 17-sentabr kuni Qoraqalpog‘iston Respublikasi va viloyatlarda 8:00 dan 11:00 ga qadar, Toshkent shahrida Yunusobod tumanidagi Botanika bog‘ida 15:00 dan 18:00 ga qadar bo‘lib o‘tadi.
Abituriyentlardan test sinovlariga kechikmasdan belgilangan vaqtdan kamida 1 soat oldin, pasporti va abituriyent ruxsatnomasi bilan kelish so‘raladi.
Davlat test markazi matbuot xizmati