Sohaga oid muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish maqsadida Bilim va malakalarni baholash agentligi tomonidan sayyor qabullar tashkil etilmoqda.

Navbatdagi sayyor qabul 2025-yil 14-mart kuni Bilim va malakalarni baholash agentligi huzuridagi Ilmiy-o‘quv amaliy markazi boshlig‘i Baratov Akmal Abdumajitovich tomonidan Qoraqalpog‘iston Respublikasida o‘tkazildi.

Mazkur tadbir Nukus shahrida yangidan qurib bitkazilgan Bilim va malakalarni baholash agentligining Qoraqalpog‘iston Respublikasi binosida aholi vakillari, yoshlar, bitiruvchilar va ularning ota-onalari uchun tashkil etildi.

Sayyor qabul davomida Bilimni baholash agentligi faoliyatiga tegishli masalalar bilan murojaat qilgan fuqarolar shaxsan qabul qilinib, ko‘tarilgan masalalarni hal qilishga yaqindan yordam berildi.