Ma’lumki, 2022-yil 20-iyundan oliy ta’lim muassasalarining bakalavriatiga abituriyentlarni onlayn ro‘yxatga olish boshlandi.

Abituriyentlarni ro‘yxatga olish Davlat test markazining my.dtm.uz sayti va Yagona interaktiv davlat xizmatlari portali orqali onlayn tarzda amalga oshirilmoqda.

Qoraqalpog‘istondagi abituriyentlar va ularning ota-onalari tomonidan bo‘layotgan murojaatlardan kelib chiqqan holda quyidagilarni ma’lum qilamiz:

Hozirda oliy ta’lim muassasalarining bakalavriatiga abituriyentlarni onlayn ro‘yxatga olish davom etmoqda va Qoraqalpog‘istondagi abituriyentlar uchun ro‘yxatga olish muddatlarini uzaytirish bo‘yicha takliflar tayyorlangan hamda uning ijobiy hal bo‘lishi kutilmoqda.

Qoraqalpog‘istondagi abituriyentlarning huquqlari aslo cheklanmaydi va ular onlayn ro‘yxatdan o‘tishlari uchun tegishli sharoitlar yaratib beriladi.

Davlat test markazi axborot xizmati