2022-jıl 9-mart kúni Mámleketlik test orayı hám Qazan federal universiteti menen birgelikte náwbettegi onlayn ushırasıw bolıp ótti.

Onda Mámleketlik test orayınıń direktorı Madjit Karimov, direktor orınbasarları Sardor Radjabov hám Sherzod Batirov, Shet tilin biliw hám iyelew dárejesin bahalaw basqarması baslıǵı Javlonbek Nurmatov, Xalıq aralıq reytingler boyınsha iskerligin ámelge asırıw bóliminiń bas qánigesi Nasimbek Lutfiyev, Qazan federal universiteti rektorı wazıypasın waqtınsha atqarıwshı Dmitriy Tayurskiy, prorektor Timirxan Alishev, Sırtqı baylanıslar departamenti direktorı Olga Vershinina, universitet qasındaǵı Filologiya hám mádeniyatlar aralıq baylanıslar institutı direktorı Radif Zamaletdinov hám de universitettiń bir qatar wákilleri qatnastı.

Ushırasıwda hár eki táreptiń basshıları turaqlı túrde tájiriybe almasıw, baylanıslardı bekkemlew, ushırasıwlardıń dawamlı bolıwın támiynlew ilajların talqıladı hám eki shólkem ortasında Memorandumǵa qol qoyıldı.

Mámleketlik test orayı hám Qazan federal universiteti Memorandumǵa qol qoyıw arqalı áhmiyetli tarawlarda birge islesiwge kelisip aldı. Iskerlik baǵdarlarınan kelip shıqqan halda Memorandumda rus tilinen test tapsırmaların qáliplestiriw, bunıń ushın isshi topar dúziw, birgelikte test tapsırmalarınıń specifikaciyası hám basqa áhmiyetli tárepleri boyınsha ámeliy jumıslar alıp barıw rejelestirilgen.

Mámleketlik test orayınıń málimleme xızmeti