Assalomu alaykum, muhtaram yurtdoshlar!

Bugungi sinov davrida vatandoshlarimizning ruhiyati va kayfiyati mehr-muruvvat, shafqat va saxovat tuyg‘ularida yaqqol namoyon bo‘lib bormoqda.

Azaldan hayotining har bir daqiqasi bunyodkorlik, yaratuvchanlik, ehtiyojmandlarni qo‘llab-quvvatlash, erk va obodlikka intiluvchanlik bilan o‘tayotgan xalqimizni arafa va ezgu g‘oyalarni o‘zida ifoda etuvchi mo‘tabar ayyom – Qurbon hayiti bilan qizg‘in muborakbod etamiz! Baxtu saodat, sihat-salomatlik, ishlaringizda muvaffaqiyatlar yor bo‘lsin!

O‘z navbatida, butun islom dunyosi xalqlarini mazkur ulug‘ ayyom bilan tabriklagan holda, hammamiz uchun bugungi sinovdan sog‘-salomat o‘tib, hayotimizning osoyishtaligi, rizqu-barokotliligi, ilmu fan ziyodaligida bardavomlik nasib aylashini tilaymiz!