2021-yil 8-iyul kuni Davlat test markazida O’zbekiston Respublikasi Qurolli Kuchlar Akademiyasiga ofitser nomzodlarni saralash test sinovlari bo‘lib o‘tdi.

Test sinovlari Qurolli Kuchlar Akademiyasining murojaati asosida tashkil etilib, karantin talablariga qat’iy rioya etgan holda o‘tkazildi.

Test sinovlarida nomzodlarga umumiy taktika, ma’naviy-ma’rifiy tayyorgarlik va chet tili fanlaridan jami 144 ta test topshirig‘i hamda ularni ishlash uchun 3 soat-u 30 daqiqa vaqt berildi. Jumladan:

• Umumiy taktika – 72 ta test topshirig‘i;
• Ma’naviy-ma’rifiy tayyorgarlik – 48 ta test topshirig‘i;
• Chet tili – 24 ta test topshirig‘i.

Test sinovlari o‘zbek va rus tillarida tashkil etildi va nomzodlarga chet tili sifatida ingliz, nemis va fransuz tillaridan birini tanlab, shu tildan test topshirish imkoniyati yaratildi.

Test natijalari 2 ish kuni ichida Qurolli Kuchlar Akademiyasiga taqdim etiladi.

Davlat test markazi matbuot xizmati