2021-jıl 8-iyul kúni Mámleketlik test orayında Ózbekstan Respublikası Qurallı Kúshler Akademiyasına oficer talabanlardı tańlaw test sınaqları bolıp ótti.

Test sınaqları Qurallı Kúshler Akademiyasınıń múrájatı tiykarında shólkemlestirilip, karantin talaplarına qatań ámel etken halda ótkerildi.

Test sınaqlarında talabanlarǵa ulıwma taktika, ruwxıy-aǵartıwshılıq tayarlıq hám shet tili pánlerinen jámi 144 test tapsırması hám de olardı islew ushın 3 saat 30 minut waqıt berildi. Sonnan:

• Ulıwma taktika – 72 test tapsırması;
• Ruwxıy-aǵartıwshılıq tayarlıq – 48 test tapsırması;
• Shet tili – 24 test tapsırması.

Test sınaqları ózbek hám rus tillerinde shólkemlestirildi hám talabanlarǵa shet tili sıpatında inglis, nemec hám francuz tillerinen birin tańlap, sol tilden test tapsırıw imkaniyatı jaratıldı.

Test nátiyjeleri 2 jumıs kúni ishinde Qurallı Kúshler Akademiyasına jiberiledi.

Mámleketlik test orayı xabar xızmeti