2022-jıl 25-oktyabr kúni basshı kadrlar hám juwapker xızmetkerlerge tayınlanatuǵın shaxslar ushın mámleketlik tilde is júritiw boyınsha test sınaqları bolıp ótti.

Test sınaqları basshı kadrlar hám juwapker lawazımǵa tayınlanatuǵın shaxslardıń mámleketlik tildi biliw dárejelerin anıqlaw ushın test sınaqları wálayatlar hám Tashkent qalasında shólkemlestirildi.

Bunda talabanlardıń oqıp túsiniw, imlá qaǵıydalardı durıs qollana alıw, sóz hám qosımtalardı durıs paydalana biliw, irkilis belgilerin óz ornında islete alıw hám tapsırmaǵa sáykes rásmiy hújjet teksin tayarlaw sıyaqlı kónlikpeleri tekserildi.

Test sınaqları nátiyjeleri 15 jumıs kúni ishinde Mámleketlik test orayınıń rásmiy veb-saytında járiyalanadı.